बझाङमा मंगलबार दिउँसोदेखि लगातार भूकम्प गइरहेको छ। यो समाचार तयार पार्दासम्म बझाङका विभिन्न स्थान केन्द्रबिन्दु भएर पाँच पटक भूकम्प गइसकेको छ। राष्ट्रिय भूकम्प मापन तथा अनुसन्धान केन्द्रका अनुसार पछिल्लो पटक अपराह्न ४:३१ बजे ४.३ म्याग्निच्युडको भूकम्प गएको छ। त्यसअघि ४:२८ बजे ४.१, ३:४५ बजे ४.१, ३:०६ बजे ६.३ र २:४० बजे ५.३ म्याग्निच्युडकाे भूकम्प गएका थिए। यी भूकम्पहरूको धक्का सुदूरपश्चिमका अन्य केही जिल्लामा समेत महसुस भएको थियो। भूकम्पले बझाङका केही घरमा क्षति पुगेको छ भने कतिपय स्थानमा जमिन चिरा परेको छ। क्षतिको विस्तृत विवरण आउन बाँकी छ। भूकम्पपछि पराकम्पहरू गइरहेकाले सतर्कता अपनाउन स्थानीय प्रशासनले आग्रह गरेको छ।

जस ५ असोज, काठमाडौं । बर्दिया जिल्ला क्रिकेट संघका अध्यक्ष विनयराज भण्डारीले नेपाल क्रिकेट संघ क्यानको अध्यक्षमा उठ्ने घोषणा गरेका छन् । लुम्बिनी प्रदेश क्रिकेट संघको उपाध्यक्ष समेत रहेका भण्डारीले पहिलो पटक केन्द्रीय निर्वाचन लड्न लागेका हुन् । अध्यक्ष चतुरबहादुर चन्द नै फेरि अध्यक्षमा दोहोरिने तयारीमा छन् । ‘चन्दविरुद्ध रुष्ट साथीहरूले मलाई उठ्नुस् भन्नू भएको छ,’ भण्डारीले भने, ‘ म क्यानको अध्यक्षमा लड्दैछु ।’ क्यानको साधारणा सभा आज शुक्रबार सुरु भएको छ । कार्य समिति चयनका लागि भने भोलि शनिबार चुनाव हुने छ ।