शक्ति परियार पौष ३, गेरुवा/कम्प्युटर एसोसिएसन (क्यान) बर्दियाको पदस्थापन तथा अन्तरक्रिया कार्यक्रम आइतबार गेरुवाको ओखरिया इन्टेकमा सम्पन्न भएको छ । क्यानका जिल्ला अध्यक्ष सुर्य केसीको अध्यक्षतामा पदस्थापन कार्यक्रम सम्पन्न गरिएको हो । पदस्थापना कार्यक्रममा बोल्दै अध्यक्ष केसीले २ बर्षको अवधीमा २ दर्जन बढी संचार बिधेयक पारित गर्नुका साथै प्रहरीसङ्गको सहकार्यमा जिल्ला भरीका माध्यमिक बिद्यालयहरुमा सामाजिक संजालको प्रयोग साइबर क्राइम सम्बन्धि सचेतना कार्यक्रम सञ्चालन गरिने बताउनु भयो । कार्यक्रममा गेरुवा गाउँ पालिकाका अध्यक्ष जमान सिंह केसी प्रमुख अतिथि रहनु भएको थियो भने विशिष्ट अतिथिमा पालिकाका उपाध्यक्ष लक्ष्मी थारु रहनु भएको थियो ।  त्यस्तै अतिथिहरुमा गेरुवा गाउँ पालिका १ नं वडा अध्यक्ष कर्म प्रसाद चौधरी,५ का वडा अध्यक्ष धर्म प्रकाश चौधरी,६ का वडा अध्यक्ष कृष्ण गोपाल चौधरी, क्यान बाँकेका अध्यक्ष शिशिर नारायण श्रेष्ठ,उपाध्यक्ष लगायतको सहभागिता रहेको थियो ।

जनता समाचार  राजापुर/समृद्धि बर्दियाको प्रमुख आधार, कृषि पर्यटन व्यापार संस्कृति र पूर्वाधार भन्ने नाराका साथ बर्दियाको राजापुरमा "राजापुर महोत्सव २०७९" को आयोजना हुने भएको छ। कृषि व्यापार प्रबर्दनका लागि महोत्सवको आयोजना हुने भएको एक समारोहका बीच बर्दिया उद्योग वाणिज्य संघका अध्यक्ष केदार थापाले जानकारी गराए । राजापुर क्षेत्रमा कृषि,व्यापार,पर्यटन,सांस्कृतिक मौलिकतालाई प्रवर्दन गरि राष्ट्रिय तथा अन्तराष्ट्रिय स्तरमा पहिचान दिई सो क्षेत्रमा पर्यटक भित्राई बर्दिया राजापुर क्षेत्रको विकासमा टेवा पु¥याउने उद्देश्यका साथ राजापुरमा मिति २०७९ पौष २८ गतेदेखि माघ ८ गतेसम्म माघी पर्वकोे अवसर पारेर महोत्सव आयोजना हुने भएको छ ।