जनता समाचार ब्रेन ट्युमरले घरमा थलिएपछि बर्दियाका एक शिक्षकलाई उपचारका लागि बर्दियाका युवाहरु शिक्षक बचाऔं अभियानमा जुटेका छन्। एक वर्षको अवधिमा उपचारका क्रममा भएको सबै सम्पत्ति सकिए पछि शिक्षक अग्र बहादुर शाहीको उपचार खर्च जुटाउन युवाहरु अभियानमा जुटेका हुन्। लामो समय सम्म बर्दिया र दैलेखमा अध्यापन गराउनु भएका शाहीको उपचारका लागि बर्दिया र दैलेखका युवाहरूले आर्थिक सहयोग अभियान चलाएका हुन्। अहिले बर्दिया र दैलेखका युवाहरूले सञ्चालन गरेको क्याम्पस प्रमुख शाही बचाउ अभियानमा विभिन्न ठाउँ क्षेत्र देश बिदेश र जिल्लामा रहेका युवाहरू पनि जोडिएका छन् । शिक्षक बचाउ अभियानमा आफूले गर्न सक्ने सहयोगका लागि युवाहरुले आग्रह गरेका छन् । ‘अग्र सर बचाउ’ अभियानका अभियान्ताका अनुसार अहिलेसम्म २ लाख रुपैया संकलन भैसकेको र आर्थिक रकम संक्रलन हुने क्रम जारी रहेको भन्दै उहाको उपचारको लागि १२/१५ लाख लाग्न सक्ने जानकारी दिनु भयो अहिले उहालाइ अहिले काठमाडौं  माइती घर स्थित अन्नपूर्ण न्युरो अस्पतालमा उपचारको लागि राखिएको छ। बिगत २५ वर्षदेखि शिक्षण पेशामा संलग्न रहदै आएका शाही शिक्षण पेशामा आबद्ध भएपछि झण्डै ...

शक्ति परियार । गेरुवा  बर्दियाको गेरुवा गाउँ पालिका स्थित वडा नम्बर ४ तीन घरुवामा प्रविधि विस्तार सम्बन्धी सचेतना कार्यक्रम सम्पन्न भएको छ। गेरुवा स्थित तीन घरुवा बाख्रा स्मार्ट गाउँको आयोजनामा भएको कार्यक्रममा स्थानीय कृषकहरूलाई बाख्रा पालनमा आधुनिकीकरण सम्बन्धी जानकारी दिइएको थियो। स्मार्ट गाउँ समितिका अध्यक्ष कालुराम थारुको सभापतित्वमा भएको कार्यक्रममा गेरुवा गाउँ पालिका वडा नं ४ का अध्यक्ष बल बहादुर चलाउने प्रमुख अतिथि रहनु भएको थियो भने वडा सदस्य मायाराम खनाल रहनु भएको थियो । त्यस्तै कार्यक्रममा अन्य अतिथिहरुमा ठाकुरबाबा नगर पालिका का पशु स्वास्थ्य शाखा अधिकृत अमर बहादुर शाही,राजापुर नगर पालिका पशु शाखा प्रमुख पूर्ण बहादुर खत्री लगायत रहनु भएको थियो । कार्यक्रमको सञ्चालन समितिका सदस्य डिल बहादुर विसीले गर्नु भएको थियो भने स्वागत मन्तब्य समिति सदस्य मञ्जु शर्माले राख्नु भएको थियो । समितिमा ५४ जना कृषकहरू बाख्रा पालन तर्फ आकर्षित भएका छन्। कार्यक्रममा सहभागी कृषक सदस्यहरूलाई बाख्राहरुका लागि आवश्यक औषधि समेत प्रदान गरिएको छ।

केशव कोइराला १९ जेठ - बर्दिया । युनिक नेपाल बर्दियाले बर्दियाका २ काेभिड अस्पताल लाई स्वास्थ्य सामाग्री सहयोग गरेको छ । युनिक नेपालले आफ्नो स्थापना दिवसको अबसर पारेर काेभिड अस्पताल गेरुवा र राजापुरलाई स्वास्थ सामाग्री सहयोग गरेको हो । युनिक नेपालले २ लाख ७६ हजार बराबरको  १ -१ थान  अक्सिजन कन्सन्टेटर र ३-३ थान अक्सिजन सिलिन्डर सहयोग गरेको  युनिक नेपालका महा सचीव महादेव रद्गैयाले बताउनु भयो । कोरोना महामारी बाट जोगिन सहयोग पुग्ने उदेश्यले युनिकले यस अघि विभिन्न खाले स्वास्थ्य सामाग्री सहयोग समेत गरिसकेको छ ।