जनता समाचार  बर्दिया — आगामी मंसिर ४ गते हुने प्रतिनिधि र प्रदेशसभा सदस्यका लागि बर्दियामा माओवादी केन्द्रले उम्मेदवार सिफारिस गरेको छ । पार्टीले निर्वाचन क्षेत्र नम्बर १ मा प्रतिनिधिसभाका लागि तीन जनाको नाम सिफारिस गरेको छ । लुम्बिनी प्रदेशका आन्तरिक तथा सञ्चार मन्त्री तिलक शर्मा, बारबर्दिया नगरपालिकाका पूर्वमेयर दुर्गाबहादुर थारु र उपमेयर अन्जु दहितको नाम सिफारिस भएको माओवादी केन्द्रका पार्टी सचिव लक्ष्मीप्रसाद शर्माले बताए । क्षेत्र नम्बर २ मा माओवादी केन्द्रले एक जनाको नाम बहुमतबाट सिफारिस गरेको छ । सिफारिस परेका समाजसेवी र कोरानाकालमा सबैभन्दा बढी स्वास्थ्य सामग्री नि:शुल्क रूपमा सहयोग गरेका सुरेश पन्थ रहेका छन् । त्यस्तै निर्वाचन क्षेत्र नम्बर २(ख) मा प्रदेश सभा सदस्य पदका लागि प्रत्यक्ष तर्फ चिन्तामणि आचार्य सिफारिस भएका छन् ।  माओवादी केन्द्र संघीय निर्वाचन क्षेत्र नम्बर २ समन्वय समितिले सोमबारको बैठकले पन्थको नाम सर्वसम्मतिबाट निर्णय गरेको पार्टी सचिव शर्माले जनाए ।

शक्ति परियार राजापुर २४,भदौ/स्थापित रेडियोहरु धमाधम बन्द भइरहेका बेला बर्दियाको राजापुर स्थित जिल्लाकै कान्छो रेडियो स्थापना हुने भएको छ । राजापुरमा रहेको साथी एफएमका प्रबन्ध निर्देशक केशव कोइरालाले आफ्नै नेतृत्वमा रेडियो बर्दिया एफएम स्थापना गर्न लागेका हुन् । पूर्व कार्यरत संस्था रेडियो साथी एफएमसंग विभिन्न समयमा विवादित बन्दै गएका कोइरालाले अबको केही दिनमै परिक्षण प्रशारण प्रारम्भ हुने जनता समाचारलाई बताए ।   उनले भने — ‘रेडियोबाटै समाज रुपान्तरणमा अझै धेरै गर्न सकिन्छ भन्ने मेरो विश्वास र आम नागरिकको पक्षमा बोल्ने हुटहुटीले करीब ३ महिना पछि फेरि रेडियोसंग जोड्यो ।’ उनले भने — ‘वर्तमानमा स्थापित रेडियोहरु धमाधम बन्द भइरहेका बेला नयाँ रेडियो स्थापना गर्नु कम चुनौतिपूर्ण छैन । त्यो चुनौतिलाई आम नागरिकको साथ लिएर परास्त गर्ने आँट, भरोसा र जाँगरका साथ मेरो नेतृत्वमा जिल्लाकै कान्छो रेडियोको रुपमा बर्दिया एफएमको राजापुर नगरपालिका वडा नं. ४ मा स्टेशन कार्यालय स्थापना गरी परीक्षण प्रसारण सुरु हुँदैछ ।’ विभिन्न समयमा आफुमाथी हुनेगरेका विवाद तथा आरोप सहनु परेको बताउँदै कोईरालाले भने...

शक्ति परियार  राजापुर १७,भदौ ।  कानुन विषय पढ्न चाहने विद्यार्थीहरुलाई बर्दियाको राजापुरमा शुल्क न लाग्ने भएको छ । बर्दियाको राजापुर नगरपालिका तथा गेरूवा गाउँ पालिकाका विद्यार्थीहरुलाई राजापुर ९ नं वडा गोडीयानामा रहेको नेपाल राष्ट्रिय माध्यामीक विद्यालयले २ बर्से कानुन विषय पढ्न चाहने कक्षा ११ का विद्यार्थीहरुलाई निशुल्क अध्यापन गराउने भएको प्रधानाध्यापक शिव प्रसाद कोइरालाले बताए।  शिक्षा विषय अन्तरगत मेजर नेपाली, मेजर अंग्रेजी ,अर्थशास्त्र बिषय र वाणिज्य संकायतर्फ लेखा ,अर्थशास्त्र लगाएतका बिषयहरु बढिमा ५० देखि ६० जना मात्र एउटा कक्षा कोठामा राखेर बिद्यार्थी केन्द्रित बिधिमा  अनुभवि शिक्षकहरुबाट अध्यापन गराइने प्रधानाध्यापक कोइरालाले बताए । विद्यार्थीलाई अावश्यकता अनुसार  प्रयाेगात्मक  तथा परियाेजना कार्य गराएर आइसिटी समेत उपयाेग गर्दै  शिक्षण सिकाई गरिने भएको उनले बताए ।  त्यस्तै ग्रेड बृद्धिकाे परिक्षा दिएका बिद्यार्थीहरुले पनि भाद्र १९ गतेदेखि नै कक्षामा सहभागि हुन पाउने विद्यालयले जनाएको छ।

राजापुर नगरपालिका भित्र उल्लिखित बाटाे छेउका घर पसलमा डोजर चल्ने पक्का भयो   शक्ति परियार  राजापुर, १७ भदौ/बर्दियाको राजापुर नगरपालिकाका नव निर्वाचित मेयर दिपेश थारु राजेशले राजापुर मूल बजारमा डोजर चलाउने भएका छन् । पालिकाले गत २०७८ साल साउन १४ गते घरटहराहरु हटाउने विषयमा प्रथम पटक ३५ दिने सूचना प्रकाशित गरेको थियो । सूचनामा राजापुर मूल भन्सार चोक देखि प्रविण मेडिकल हल सम्मको सडक क्षेत्रमा सडक कालोपत्रे र ढल निकासको काम साथ साथै गर्नु पर्ने भएकाले रिङ्गरोड सडकको मापदण्ड अनुसार सडक केन्द्रबाट दुवै तर्फ १५/१५ मिटर भएता पनि, हाल सडक केन्द्रबाट दुवैतर्फ ३०/३० फिट खानेपानी तथा अन्य प्रायोजनका लागि १/१ फिट छाडी त्यस भित्र सडक तथा ढल निकासको कार्य चालु आर्थिक वर्ष देखि नै सुरु गरिने बताइएको थियो ।  तत्कालिन राजापुर नगरपालिकाका मेयर शिव प्रसाद थारुले घरटहराहरु हटाउने सूचना पटक पटक प्रकाशित गरेपनि निर्माणको कार्य भने अहिले सम्म भईसकेको थिएन । वर्तमान मेयर दिपेश थारु राजेशले राजापुर क्षेत्रमा गर्नै पर्ने अतिआवश्यक कार्य तुरुन्त थालनी गर्ने बताएका छन् । राजापुर भन्सार चोक देखि प्रवि...