बाघको आक्रमणमा परी गेरुवा गाउँपालिका ४ नं.वडा का वडा सदस्य घाइते

बाघको आक्रमणमा परी गेरुवा गाउँपालिका वडा नं. ४ का वडा सदस्य मायाँराम खनाल गम्भीर घाइते भएका छन् ।  तिनघरुवा निवासी ६७ वर्षीय खनाल बिहीबार डोंगपुर सामुदायिक वनमा भैंसी चराउन गएका थिए ।  दिउँसो साढे ३ बजे गेरुवा (कर्णाली) नदीमा पानी खुवाउने क्रममा बाघले उनलाई आक्रमण गरेको हो ।
  
स्थानीय सामुदायिक वन नजिकै रहेको नदीमा पानी खुवाउने क्रममा एक्कासी बाघले खनाललाई आक्रमण गरेको जिल्ला प्रहरी कार्यालय बर्दियाका प्रहरी नायव उपरीक्षक योगेन्द्रकुमार खड्काले बताए । बाघको आक्रमणबाट उनको दुवै कुम, घाँटी र ढाडमा घाउ लागेको छ । सामुदायिक वन क्षेत्र बर्दिया राष्ट्रिय निकुञ्जसँग जोडिएका कारण  बाघ बर्दिया राष्ट्रिय निकुञ्जबाट आएको हुनसक्ने प्रहरीको अनुमान छ । बाघ आक्रमणका घाइते खनाललाई उपचारका लागि  कोहलपुर मेडिकल कलेज लगिएको निकुञ्जले जनाएको छ ।