दुर्घटनामा मृत थापाको आज राजापुरमा अन्त्यष्टी

 

जनता समाचार । राजापुर 

शनिबार चन्द्रपुर नगरपालिका–४ बुटवलमा भएको सडक दुर्घटनामा ज्यान गुमाएका राज कुमार थापाको आज बर्दियाको राजापुर नगरपालिका ७ शंकरपुर स्थित अन्त्यष्टी गरिएको छ ।

शनिबार स्वर्गिय थापा चढेको स्कार्पियोलाई विपरीत दिशाबाट आउँदै गरेको बसले ठक्कर दिँदा राजापुरमा स्कार्पियो रिजर्भ सेवा प्रदान गर्दै आएका राज कुमार थापा ( राजु)को निधन भएको थियो।

चन्द्रपुर नगरपालिका–४ स्थित सडकमा बा.१६ च ३८१२ नम्बरको स्कारपियोलाई ना.५ ख २३६९ नम्बरको बसले ठक्कर दिँदा थापा सहित दुई जनाको मृत्यु भएको हो ।

स्वर्गिय थापा स्याङजा घर भई राजापुरमा बस्दै आएका थिए । गम्भीर घाइते भएका १ जनाको चपुर प्रालि अस्पतालमा र राजकुमारको चपुर प्रालि अस्पताल हुँदै नेशनल मेडिकल वीरगंजमा थप उपचारको क्रममा मृत्यु भएको थियो । दुबै सवारी साधन र बस चालकलाई प्रहरीले नियन्त्रणमा लिएको   छ ।