शक्ति परियार।राजापुर मधुवन नगरपालिकाका मेयर गणेश खत्रीले बर्दिया राष्ट्रिय निकुञ्जसँग जोडिएको हुलाकी सडकखण्ड अन्तर्गत खाता चित्रमा रहेका ज्यानमारा ब्रेकर हटाएका छन्। मेयर खत्रीले कोठिया घाट सम्मका सबै ब्रेकारहरु स्काई भेटार लगाएर हटाएका हुन। पछिल्लो समयमा बाघ आक्रमण तथा सवारीका घटनाहरू बढ्दै गएपछि मेयरले यस्तो निर्णय लिएका हुन्। मेयर खत्रीले लिएको निर्णय प्रति सबै हर्षित भएका छन्।

 शक्ति परियार । राजापुर लुम्बिनी प्रदेश उपसभामुख कृष्नी थारुले बर्दियाको राजापुर स्थित संघर्ष नगरमा सामुदायिक भवनको शिलन्यास गर्नु भएको छ । लुम्बिनी प्रदेशको ४० लाख रुपैयाँ बजेटमा भवन निर्माण हुने भएको हो। बाढी प्रभावित क्षेत्र भएकाले विपद्को समयमा सुरक्षित स्थान बनाउने उद्देश्यले भवनको निर्माण हुन लागेको उप सभामुख थारुले बताउनु भयो।

शक्ति परियार,राजापुर बर्दियाको राजापुर नगरपालिका वडा नं ८ स्थित धोविनपुर मा १मोटर साइकल अनियन्त्रित हुँदा चालक सहित ७ जना घाइते भएका छन्। घाइते सबैलाई उपचारका लागि तुरुन्तै नेपालगञ्ज नर्सिङ होममा लगिएको छ। धोविनपुर स्थित नेहा एण्ड संगम ट्रेडर्स का सञ्चालक मोहन थारुले चलाएको सु प प्र ०१-००९- प २४६१ नम्बरको मोटसाइकल अनियन्त्रित भएको हो। गर्मी बढे सँगै बेलुका घर नजिकै छिमेकीहरु सडक किनारमा गफ गाफ गर्दै बसी रहेका बेला स्थानिय देवीलाल चौंलागाँई,रमा चौं ला गाँ ई,जानकी देवी तिमिल्सेना , विमला चौँ ला गा ई, पदम राज उपाध्याय र डेढ वर्षीय उन्नत सञ्ज्याल सहित चालक घाइते भएका हुन् ।

शक्ति परियार।राजापुर मोटर साइकल दुर्घटना हुँदा बर्दियाको राजापुरमा एक जनाको मृत्यु भएको छ । गेरुवा गाउँ पालिका वडा नं ३ शान्तिबजार निवासी २६ वर्षीय तपेश सोडारीले चलाएको से ७ प ५६९३ नम्बरको मोटर साइकल र विपरीत दिशाबाट आउँदै गरेको भे १ प २४०८ नम्बरको मोटर साइकल एक आपसमा ठोकिँदा घाइते सोडारीको उपचारका लागि गुलरिया लैजाँदै गर्दा बाटोमा नै मृत्यु भएको इलाका प्रहरी कार्यालय राजापुरले जनाएको छ । मृतक सोडारी सामान खरिदका लागि राम जानकी चोक मा आउदै गर्दा विपरीत दिशाबाट  मधुवन नपा वडा नं ६,दुई नम्बर निवासी रोशन पुन,गगन अधिकारी र मदन गुरुङ तीन जना सवार मोटर साइकल एक आपसमा ठोकिएको हो ।

 शक्ति परियार। गेरुवा बर्दियाको गेरूवामा बाघ नियन्त्रणमा लिन मंगलबारदेखि बर्दिया राष्ट्रिय निकुञ्जले टोली पठाउने भएको छ । नियन्त्रण टोली मंगलबार देखिनै पठाइने बर्दिया राष्ट्रिय निकुञ्जका सहायक संरक्षण अधिकृत असिम थापाले बताउनुभयो । सोमबार लुम्बिनी प्रदेशका प्रदेश सांसद दिपेश थारू राजेश, गेरूवा उपभोक्ता समितिका अध्यक्ष झनकुमार ढकाल, बन्जरीया रेन्जर पोष्टका रेन्जर विनोद दाहाल, स्थानिय बुद्धिजीवी लक्ष्मीप्रसाद चौधरी लगायतले स्थलगत अनुगमन गर्नु भएको छ ।

रबिन्द्र यादव / नवलपरासी पश्चिम  नवलपरासी पश्चिमको सशस्त्र प्रहरी बल बिअोपी गुठी परसौनीले बुधबार बिशेष सुराकीको अधारमा ठुलो मात्रामा लागू अौषध सहित एक जना नेपालीलाई पक्राउ गरेको छ ।सुस्ता गाउँपालिका वडा नं २ सयपत्रीमा सशस्त्र प्रहरी नेपाल गुठी परसौनी (BOP) का इन्सपेक्टर संतोष खरेलको नेतृत्वमा रहेको टोलीलाई देखेर एक जना युवकले झोला बोकेर भाग्न खोजेपछि उनलाई पक्राउ गरि झोला चेकजाँच गर्दा झोलाबाट ठूलो मात्रामा लागू अौषध बरामद गरिएको खरेलले बताए । उक्त ब्याग ( झोला ) बाट अनरेक्स सिरफ ३१ बोतल , नाइट्रोभेट ८ पत्ता १ सय २० चक्की , विनस्पास्मो १८ सय ९० पिस जस्ता लागु औषध बरामद गरिएको खरेलले समेत जानकारी दिए । पक्राउ परेका युवक र लागू अौषध इलाका प्रहरी कार्यालय बेलाटारीमा बुझाइएको सशस्त्र प्रहरी नेपाल गण नं २६ बेलाशपुरका सुचना अधिकारी माधव रेग्मीले जानकारी दिए । पक्राउ परेको युवकको नाम अजय मुसहर रहेको छ भने ठेगाना बर्दघाट नगरपालिका वडा नम्बर ४ बसपार्क रहेको छ । भारतीय सिमा क्षेत्रबाट लागू अौषधको अोसारपसार भइरहेको जन गुनासो पछि गण नं २६ का गणपति महेश अधिकारीको कडा निर्देशनमा नेपाल भारत सिमाम...

शक्ति परियार । राजापुर बर्दियाको मधुवन नगरपालिका—३ स्थित सम्झना सामुदायिक वनमा बुधबार दिउँसो पाटे बाघको आक्रमणबाट एक महिलाको मृत्यु भएको छ । मधुवन ३ कि अन्दाजी २९ वर्षीया रेनुका सुनार दिउँसो घाँस काट्न गएका बेला  बाघले झम्टेर लगेको प्रहरीले जनाएको छ । सशस्त्र प्रहरी बल बीओपी भगरैयाका सशस्त्र प्रहरी निरीक्षक अस्मिन मगरका अनुसार नेपाल-भारत सीमासँग जोडिएको पिलर नम्बर ८४ र ८५ नम्बरको बीचमा बाघले आक्रमण गर्दा ज्यान गएको हो । सुनारसहित ६ जना घाँस काट्न जंगलमा पुगेका थिए ।

  शक्ति परियार । राजापुर, नेपाली काँग्रेसका केन्द्रिय सदस्य तथा प्रतिनिधी सभा सदस्य किशोर सिंह राठौरले आफुहरु विवादित नभएको बताउनुभयो । पार्टी भित्रपनि काँग्रेस नेताहरुमा विवादका कुराहरु भ्रम भएको नेता राठौरले भन्नुभयो । मंगलबार बर्दियाको राजापुरमा नेपाली काँग्रेस क्षेत्र नं. २ ले आयोजना गरेको क्षेत्रीय भेला जेष्ठ नागरिक बधाई तथा सम्मान कार्यक्रमलाई सम्बोधन गर्दै नेता राठौरले आफुहरु पार्टी एकतामा लागिरहेको भन्दै गुट उपगुटको हल्ला भएपनि नेपाली काँग्रेस एकै ठाउँमा भएको भन्नुभयो । कम्युनिष्टले सधैं झुठा आश्वाशन दिदैं आएको यस क्षेत्रमा जनताको भावना बुझ्दै स्थानीय तह देखि केन्द्रिय तहसम्म पार्टीलाई बलियो बनाउन सबै कार्यकर्ता लाग्नुपर्नेमा उहाँले जोड दिनुभयो । बर्दिया विकासका कुराहरुमा बोल्दै नेता राठौरले बाँकेको नेपालगंज पछिको दोस्रो बजार राजापुरको विकास गर्न नसकेको भन्नुभयो । काँग्रेस सरकारमा रहेपनि नरहेपनि यस क्षेत्रको समग्र विकासका लागि काँग्रेस उम्मेदवारहरुले जिम्मेवार पूर्ण काम गर्नुपर्ने र विकासका कार्यलाई अघि सार्न समेत उहाँले जोड दिनुभयो । काँग्रेसबाट विभिन्न स्थानीय तहहरुमा निर...

मिन अधिकारी । राजापुर बर्दिया जिल्ला समन्वय समितिका सदस्य शान्ति चौधरीले  नेपालमा नारी दिवस मनाउने गरेता पनि धेरै श्रमिक महिलाहरु अधिकारबाट वञ्चित हुँदै आएको बताउनु भयो । दैनिक ज्याला मजदुरी गरेर जिविको पार्जन गर्ने महिलाहरुले श्रम गरे बापत समेत ज्याला पाउने गरेका छैनन बरु शोषण सहनु परेको चौधरीले बताउनु भयो । सोमबार राजापुरमा महिलाको सुरक्षा सम्मान र रोजगार समृद्ध नेपालको आधार भन्ने मुल नाराका साथ १११ औं अन्तराष्ट्रिय महिला दिवसको अवसरमा आयोजना गरिएको एक कार्यक्रममा प्रमुख अतिथिको आसनबाट बोल्दै उहाँले यस्तो बताउनु भएको हो। राजपुरमा विभिन्न कार्यक्रम गरी महिला दिवस मनाइएको छ । राजापुर नगरपालिका महिला वालवालिका तथा समाज कल्याण उपशाखा राजापुरद्वारा आयोजित कार्यक्रममा कमैया महिला जागरण समाज सुआहारा, गुड नेभर इन्टरनेसनल, बाँके युनेस्को क्लब, वी ग्रुप नगरस्तरीय महिला संजाल नारी जागरण समाजको साझेदारी रहेको थियो । कार्यक्रममा बोल्दै राजापुर नगरपालिकाका प्रमुख प्रशासकीय अधिकृत तथा कार्यक्रमका विशेष अतिथि धर्मराज न्यौपानेले समाज, राष्ट्र र विश्व निर्माण गर्न आमाहरुको भूमिका महत्वपूर्ण रहेको ...

  शक्ति परियार।राजापुर युनिक नेपाल बर्दियाका संरक्षक तथा पूर्व भूमि सुधार मन्त्री डा. गोपाल दहितले राजापुर नगरपालिका र गेरूवा गाउँपालिकाका १सय २५ जना विद्यार्थीहरुलाई ९ लाख रुपैयाँ युनिक छात्रवृत्ति प्रदान गरेका छन्। सोमबार राजापुरको नयाँगाउँमा युनिक नेपालले छात्रवृत्ति वितरण तथा सम्मान कार्यक्रमको आयोजना गर्दै राजापुर र गेरुवाका १४ वटा मावि तहमा अध्ययनरत १ सय २५ जना विद्यार्थीहरुलाई जनही ७ हजारका दरले छात्र वृत्ति प्रदान गरेका हुन्।  ग्रामीण क्षेत्रमा शिक्षाको पहुँच पुराउने उद्देश्यले युनिक नेपालले हरेक वर्ष यो छात्र वृत्ति प्रदान गर्दै आएको छ।

शक्ति परियार । राजापुर विगतका दिनहरुमा पश्चिम कणर्ाली नदिमा माछा मार्ने तथा सुन चालेर जिविको पार्जन गर्ने समुदाय हो सोनाहा । राज्यबाट पछाडी पारिएको यो समुदाय बासी अशिक्षित र ठुलो संख्या नभएका कारण राज्यबाट पाउने सेवा सुविद्याहरुबाट बञ्चित हुँदै आएको छ । तर,कर्म गरे पछि पक्कै पनि एक न एक दिन सफल भईन्छ भन्ने विश्वास राख्छन् राजापुर नगरपालिका वडा नं.१ हिमालीपुरका बलबहादुर सोनाहा ।विगतका वर्षहरुमा माछा मार्ने तथा सुन चालेर परिवारको लालन पालन गर्दै आएका बलबहादुरले सानो लगानीबाट बंगुरपालन व्यवसायलाई अँगाले । विगत ९ वर्ष देखि बंगुरपालन व्यवसाय गर्दै आएका बलबहादुर भन्छन्—‘ अँझ धेरै बंगुर राख्ने चाहाना छ,तर ठुलो लगानी लगाउन सकिएको छैन।’। उनी भन्छन—‘ रिन माग्न  बैंकमा जाँदा पनि धितो माग्छन्,आफुसंग धितो राख्नलाई जमिन छैन ।’ सोनाहा समुदायमा अरु भन्दा फरक विचार भएका बलबहादुरले आर्थिक अवस्था कमजोर रहेपनि यो व्यवसायबाट सन्तुष्ट रहेको बताउँछन् । सुरुमा व्यवसाय गर्न निकै चुनौती रहेको उनी भन्छन् । उनले हिमालीपुर स्थित सोनाहा विकास समाजले निर्माण गरेको व्यवसायिक फर्म भाडामा लिएर ३६ वटा बंगुर पाल्न सु...

शक्ति परियार, राजापुर । बर्दियामा भैसी चराउन गएका एक वृद्धलाई बाघले आक्रमण गरी मारेको छ । राजापुर नगरपालिका वडा नं. १० कालावन्जारका ६५ बर्षिय लालबहादुर चौधरीलाई गेरुवा गाउँपालिका ६ बाझपुरको नौलो वास सामुदायिक नर्सरीवाट बाघले झम्टेर जंगलभित्र लगि मारेको हो । बर्दिया राष्ट्रिय निकुन्जका अनुसार चौधरीलाई सोमबार दिउसो साढे एक बजेतिर बाघले आक्रमण गरी जंगलतीर लगेको थियो । बाघले आक्रमण गरेको खवर पाए पस्चात निकुन्जवाट तीनवटा हात्तीमा आएको निकुन्ज टोलीसहित सेना प्रहरी र स्थानीयको सहयोगमा खोजी गरी बेलुकी करीव ६ बजेतीर लास भेटीएको निकुन्जका सहायक संरक्षण अधिकृत असिमकुमार थापाले बताए । ‘चौधरीको पछाडीको भाग बाघले खाएको अवस्थामा लास भेटीएको छ’ उनले भने । यसअघि दुई महिना अघि गत पुस १७ गते मोटरसाइकलमा सवार कैलालीको लम्कीकी एक महिलालाई बाघले झम्टेर ज्यान लिएको थियो । बर्दिया निकुन्जमा बाघको संख्या बढेसंगै मानिसमाथी आक्रमणका घटका बढीरहेकोले स्थानीयवासी त्रसीत भएका छन् ।