Posts

Showing posts from August, 2021

राजापुरमा घरको छतबाट खसेर गाडी चालकको मृत्यु

Image
  शक्ति परियार । राजापुर बर्दियाको राजापुरमा घरको छ्त बाट खसेर एक जनाको मृत्यु भएको छ ।  मृत्यु हुनेमा बाकेको खजुरा गाउँपालिका ३ सहारा टोलका  २२ बर्सिय कृष्ण बिक रहेको ईलाका प्रहरी कार्यलय राजापुरका प्रहरी निरीक्षक सन्तोष घिमिरेले जानकारी दिनुभयो । राजापुर बसपार्क स्थित एक होटेलको छतबाट शनिबार राती अचानक खसेको र घटनाबारे अनुसन्धान भइरहेको निरीक्षक घिमिरेले बताउनु भयो । मृतकको लास पोस्टमाटमका लागि प्राथमिक स्वास्थ केन्द्र राजापुरमा राखिएको  ईलाका प्रहरी कार्यालय राजापुरले जनाएको छ ।

राजापुरको बिर्यानी सेन्टरमा प्रहरीको छापा

Image
लागु औषध सहित अन्सारी प्रहरीको नियन्त्रणमा शक्ति परियार । राजापुर बर्दियाको राजापुरमा लागु औषध सहित १ व्यापारीलाई प्रहरीले पक्राउ गरेको छ । लागु औषधको कारोबार गर्ने गरेको शंकाको आधारमा खान तलासी गर्दा  राजापुर स्थित बिर्यानी एण्ड कफि शपका सञ्चालक अलिम अन्सारीलाई प्रहरीले नियन्त्रणमा लिएको हो । शनिबार दिउँसो करिब १२ बजे ईलाका प्रहरी कार्यालय राजापुरका प्रहरी निरीक्षक सन्तोष घिमिरेको कमाण्डमा खटिएको टोलीले अन्सारीलाई नियन्त्रणमा लिएको हो ।  अन्सारीको शपबाट प्रहरीले नाइट्राभेट १० ट्याबलेट ५७० , स्पासमो ट्याबलेट २६४ र अलपराजोपाम ४२० ट्याबलेट लागू औषध बिक्रि बितरण गर्ने गरेको शंकाको आधारमा अन्सारीलाई पक्राउ गरिएको हो।  त्यस्तै शपबाट १ थान भिभो मोबाइल,नगद नेपाली ३ हजार ७ सय ७० र भारतीय २ सय २० रुपैयाँ समेत बरामद गरीएको  ईलाका प्रहरी कार्यालय राजापुरले जनाएको छ।  यस्तै गत भाद्र १० गते बेलुका करिब ६ बजे  राजापुर नगरपालिका वडा नं १ झबहीका २३ वर्षिय विवेक चौधरी  लाई १ सय २० मिलिग्राम लागू औषध ब्राउन सुगर सहित पक्राउ परेका थिए । चौधरी संग रहेको नगद र १२ हजार ७ सय...

बर्दियामा संगठन सुदृढ तथा विस्तार अभियान तिब्र

Image
२७ जना पुर्व जनमुक्ति सेनाहरु नेकपामा प्रवेश  रमेश प्याकुरेल । बर्दिया नेपाल कम्युनिस्ट पार्टी बर्दियाले संगठन सुदृढ तथा विस्तार अभियानलाई व्यापक बनाएको छ। अभियानका क्रममा पार्टी संगठन निर्माणसँगै पार्टी ध्रुवीकरणको लहर बढेको नेकपा बर्दियाले जनाएको छ। बर्दियाको बासँगडी नगरपालिकामा संचालित अभियान भव्य स्वागत एवं जनतामा व्यापक जनसम्बन्ध विस्तार भएको छ। अभियानकै क्रममा विभिन्न पार्टी परित्याग गरि पुर्व जनमुक्ति सेनाका बटालियन विसी, पलाटन कमान्ड , र कम्पनी कमान्डर कम्पनी विसी लगायत २ दर्जन क्रान्तिकारी योद्वाहरुले नेपाल कम्युनिस्ट पार्टीमा प्रवेश गरेका छन। कार्यक्रममा नेपाल कम्युनिस्ट पार्टीका केन्द्रिय सदस्य तथा वार्ताटोलि सदस्य तथा बर्दिया जिल्ला इन्चार्ज दिपक चलाउने , पार्टीका जिल्ला सेक्रेटरी गणेश चौधरी, बासगँडी नगर इन्चार्ज शक्ति कमरेड , बारबर्दिया नगर इन्चार्ज लोकेश राज जोशी , बडैयाताल नगर इन्चार्ज राजेन्द्र , लगायतका नेताहरुको सहभागीता रहेको छ।   अभियानका क्रममा जनताहरुको दलाल व्यवस्थाले जनतालाई लूट मचाएको, चरम भ्रष्टाचार बढेको , नयाँ व्यवस्थाको खोजी गर्नुपर्ने, अब क...

राजापुर ७ नम्बरमा स्वास्थ्य सामाग्री वितरण

Image
  जनता समाचार । राजापुर राधाकृष्ण थारु जनसेवा केन्द्र गुलरियाले  राजापुर नगरपालिका वडा नम्वर ७ मा अपांगता परिवार, एकल महिला, अनाथ बालबालिका परिवार एवंम अति विपन्न परिवारहरुलाई खाद्य तथा स्वास्थ  सामाग्री वितरण गरेको छ ।  राजापुर नगरपालिका वडा नम्वर ७ का वडा अध्यक्ष मथुरा प्रसाद थारुको रोहवरमा सो सामाग्री वितरण गरिएको हो । वितरण कार्यक्रममा संस्थाका परियोजना संयोजक निर्मल चौधरीले परियोजनाद्धारा संचालन भई रहेको गतिविधी एवंम् खाद्य सामाग्री तथा स्वास्थ्य तथा सरसफाई सामाग्रीको परिमाण एवंम लागत मूल्य सहित प्रष्ट पार्नु भएका थियो । खाद्य सामाग्री स्पेयर स्टेण्डर मापदण्ड अनुसार १२ दिनको लागि पुग्ने गरि  ५५ घर परिवारलाई खाद्य सामाग्री, ५५ घर परिवारलाई स्वच्छता सामाग्री तथा १५ घर परिवारलाई एलआईसीईडी परियोजनाबाट अति विपन्नलाई बर्षाको बेलामा घरको छाना चुहिने परिवारहरलाई इमरजन्सी सेल्टरको रुपमा त्रिपाल सहयोग गरिएको संयोजक चौधरीले जानकारी दिनुभयो । त्यहाका साढे २ लाख मूल्य बरावरको सामाग्री वितरण गरिएको छ । कार्यक्रमका प्रमुख अतिथी एवंम वडा नम्वर ७ का वडा अध्यक्ष मथुरा प्रसाद...

नेकपा बाँके संसदीय व्यवस्थाको विकल्प वैज्ञानिक समाजवाद: धर्मेन्द्र बास्तोला !

Image
रमेश प्याकुरेल  ८ भाद्र बाँके,। विप्लव नेतृत्वको नेकपाका सचिवालय सदस्य धर्मेन्द्र वास्तोला (कंचन)ले अहिलेको राजनीतिक संकटको निकास दलाल संसदीय व्यवस्थाको विकल्प वैज्ञानिक समाजवाद भएको वताउनु भएको छ । नेकपाको वाँके र वर्दिया जिल्लाको संयुक्त कार्यकताको राजनैतिक प्रशिक्षण कार्यक्रमलाई मंगलवार सम्वोधन गर्दै नेता वास्तोलाले त्यसको लागि प्रगतिशील संयुक्त सरकार गठन गरि संसदीय व्यवस्था वा वैज्ञानिक समाजवाद भन्ने विषयमा जनमतसंग्रह गर्नु पर्ने वताउनु भयो । नेता वास्तोलाले आफ्नो पार्टीका महासचिव सहितको टिमले मुलुकका सवै संसदवादी पार्टीहरुका नेतृत्व संगको भेटघाटमा कसैले पनि वैज्ञानिक समाजवादको विरोध नगरेको र विकल्प पनि दिन नसकेको खुलासा गर्नु भयो । उहाँले भन्नु भयो “सवै पार्टीका नेताहरु संसदीय व्यवस्थावाट असन्तुष्ट छन् तर उनीहरु विकल्प दिन पनि नसक्ने अवस्थामा छन । ” उहाँले आफ्नो पार्टीेले वृहत कम्युनिष्ट एकताको अभियान संचालन गर्ने पनि वताउनु भयो । तर उहाँले भन्नु भयो वैज्ञानिक समाजवादको लागि प्रगतिशील संयुक्त सरकार गठन र जनमत संग्रहमा जाने सहमति गर्ने सवै कम्युनिष्ट संग एकता गर्ने घोषणा गर्नु ...

होसियार! बर्दियामा लागु औषध कारोबार बढ्दै

Image
केशव कोइराला पछिल्लो समय बर्दियामा लागु औषध को कारोबार बढ्दै गएको पाइएको छ । जिल्लामा एक पछि अर्को लागु औषधका घटनाहरू बढ्दै गएका हुन् । सोमबार ३० पुडिया बनाएर राखेको ब्राउन सुगर सहित गुलरिया–२ का अकलेश यादव कारोबारी पक्राउ परेका हुन् । जिल्ला प्रहरी कार्यालय बर्दिया र लागूऔषध नियन्त्रण व्यूरो शाखा कार्यालय नेपालगञ्जबाट खटिएको प्रहरी टोलीले गुलरिया–५ सहिद गेट नजिकैबाट यादवलाई २७ ग्राम ५०० मिलिग्राम ब्राउन सुगरसहित पक्राउ गरेको हो ।बा ८५ प ९८२८ नम्बरको मोटरसाइकलमा सवार यादवको साथबाट साढे २७ ग्राम लागु औषध फेला परेको जिल्ला प्रहरी कार्यालय बर्दियाका प्रहरी नायव उपरीक्षक हेमबहादुर शाहीले जानकारी दिनुभयो ।

राजापुरमा अत्याधुनिक ल्याब विस्तार

Image
ऋषि वाग्ले (गोपाल) बर्दियाको राजापुर प्राथमिक स्वास्थ्य केन्द्रमा अत्याधुनिक ल्याव विस्तार गरिएको छ । डिजिटल एक्सरे तथा विभिन्न रोगको खुन जाँच गर्नका लागी मोडर्न ल्यावको थप सेवा  बिस्तार गरिएको हो। यस्तै केन्द्रमा शव व्यवस्थापनका लागि मोरचुरी चेम्बर समेत थप गरिएको छ। जिल्लाकै विकट क्षेत्रको रूपमा रहेको गेरुवा गाउँपालिका र राजापुर नगरपालिका स्थितका सेवा ग्राहिले यी सेवा लिनका लागि अन्यत्र  जानु पर्ने बाध्यता थियो । मंगलबार केन्द्रमा एक कार्यक्रमका बिच यी सेवाहरु विस्तार गरिएको राजापुर नगरपालिका स्वास्थ्य शाखा प्रमुख गणेश अर्यालले जानकारी दिनुभयो ।   झण्डै १ लाख भन्दा धेरै जनसंख्या रहेको यस क्षेत्रमा केन्द्रले एक्सरे लगायत अत्याधुनिक  स्वास्थ्य सुविधा थप गरेपछि सेवाग्राही हर्षित भएका छन् । 

अहिले भर्खरै करेन्ट लागेर गेरुवामा बालकको ज्यान गयो

Image
जनता समाचार घरमा कोही नभएको बेला करेन्ट लागेर बर्दियाको गेरुवा गाउँपालिकाका ६ वर्षिय बालकको ज्यान गएको छ । घरबाट खेल्न भनी निस्केका गेरुवा गाउँपालिका वडा न २ पाताभार बस्ने अनिल थारु का ६ वर्षिय छोरा दिपेन चौधरीको ज्यान गएको हो । घर नजिकै विद्युत तार टूटेर नालीमा खसेको अवस्थामा करेन्ट लागेको मृतकका ठूलो बुवा मानबहादुर थारुले बताए । करेन्ट लागे पश्चात उपचारका लागि प्राथमिक स्वास्थ्य केन्द्र राजापुरमा ल्याउँदै गर्दा मृत्यु भईसकेको डा.ऋषिराज शर्माले बताउनु भयो । मृतक चौधरीका बुवा अनिल थारु रोजगारको शिलसिलामा भारत गएका छन् भने आमा माछा मार्न गएको समयमा घटना भएको हो ।

विद्यार्थी तथा महिला समन्वय समितिमा राजापुरका तिमिल्सेना

Image
  जनता समाचार तरुण विभागको निर्णय अनुसार विद्यार्थी तथा महिला समन्वय समितिको सदस्यमा बर्दिया राजापुरका युवा नेता सुभाष तिमिल्सेनालाई मनोनयन गरिएको छ । पछिल्लो समयमा राजनीतिक क्षेत्रमा आफ्नो कुशल लगनशीलता  देखाएका तिमिल्सिनालाई नेपाली कांग्रेस केन्द्रिय तरुण विभागको निर्णय अनुसार सो समितिको सदस्यमा मनोनयन गरिएको हो । शनिबार नेपाली कांग्रेस केन्द्रिय सदस्य,पूर्वमन्त्री एवं तरुण विभाग प्रमुख शंकर भण्डारीले सो समितिमा तिमिल्सेनालाई मनोनयन गर्नु भएको हो । राजापुर स्थित नेपाली कांग्रेस कार्यकर्ताहरुले सो समितिमा मनोनयन भएको प्रति तिमिल्सेनालाई बधाई तथा शुभकामना व्यक्त गरेका छन्।

गेरुवामा सक्रिय युवा समाजको अर्को मनकारी काम

Image
  जनता समाचार पछिल्लो समय निकै चर्चामा रहेको सक्रिय युवा समाजले अर्को मनकारी काम गरेको छ । गेरुवा गाउँपालिकाको पर्यटकिय क्षेत्र को रूपमा रहेको आेखरिया (इन्टेक) मा यो समाजले सरसफाई गरेको हो। केही समय अघि इन्टेक क्षेत्रमा वृक्षरोपण गरेको यो समाजले आज पूर्ण बोटबिरुवाहरुमा गोडमेल गरेको हो । समाजले इन्टेक क्षेत्रमा फोहोर नगरिदिन सबैमा आग्रह गरेको छ ।

रक्षा बन्धनमा सुशान्त सिंहकी दिदीले सार्वजनिक गरिन् भाइको लुकेको तस्बिर

Image
जनता समाचार  स्वर्गीय अभिनेता सुशान्त सिंह राजपूतका तीन दिदीहरुका लागि रक्षाबन्धन कठिन बनिदियो किनकी उनीहरुले राखी लगाइदिने भाइ अब यस दुनियाँमा छैनन् । यस्तोमा अभिनेताकी दिदीश्वेता सिंह किर्तिले भाइसँगका आफ्ना बाल्यकालका तस्विर शेयर गरेकी छिन् । उनले इन्स्टाग्राम एकाउन्टमार्फत सुशान्त सिंह राजपूतसँगको बाल्यकालको एक तस्विर सार्वजनिक गरेकी हुन् । तस्विरमा साना सुशान्तले दिदी स्वेताको हात समातेका छन् । यससँगै श्वेताले लेखेकी छिन्ः लभ यु भाइ। हामी साथमै रहनेछौं ।  यो तस्विर सार्वजनिक भएसँगै सुशान्तका फ्यानहरुले फेरि एकपटक उनको याद गरेका छन् । एक प्रयोगकर्ताले लेखेका छन्,‘सुशान्त हाम्रो मनमा रहनेछन् ।’ अघिल्लो वर्ष पनि श्वेताले सुशान्तको याद गर्दै उनको बाल्यकालको तस्विर सार्वजनिक गरेकी थिइन् । जहाँ, सुशान्तले दिदीलाई राखी लगाइदिएको देखिन्थ्यो। सुशान्त आफ्नी दिदीसँग निकै नजिक थिए । ४ जून २०२० मा अभिनेताको मृत्यु भएपछि श्वेताले उनका लागि न्याय दिलाउन लडाँइ लडिरहेकी छिन् ।  उनी बेला–बेला पुराना फोटोहरु शेयर गर्छिन् । सुशान्तको शव मुम्बईस्थित उनको अपार्टमेन्टमा झुन्डिएको अवस्थामा ...

डा. बाबुराम पत्नि हिसिलालाई मन्त्री चाहिएपछि जसपामा विवाद सुरु !

Image
जनता समाचार काठमाडौं । सत्तारुढ दल जनता समाजवादी पार्टी ९जसपा०मा मन्त्री बनाउने विषयमा विवाद भएको छ । मुख्यगरी संघीय परिषद् अध्यक्ष पूर्वप्रधानमन्त्री डा। बाबुराम भट्टराईले आफ्नो समूहबाट पत्नी हिसिला यमी वा गंगानारायण श्रेष्ठमध्य एक जनालाई मन्त्री बनाउन दबाब दिएपछि विवाद भएको हो ।नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चा सम्मिलित गठबन्धन सरकारमा पहिल्यै दलहरूबीच सांसद नभएका व्यक्तिलाई पहिलो चरणमा मन्त्री नबनाउने सैद्धान्तिक सहमति बनेको छ । नेपाली कांग्रेसका सभापतिसमेत रहेका गठबन्धन सरकारका प्रधानमन्त्री शेरबहादुर देउवाले मन्त्रीको नाम सिफारिस गर्दा सांसदलाई मात्र सिफारिस गर्न र सांसद नभएकालाई अन्य नियुक्तिमा मिलाउन भनिसकेका छन् । - दैनिक न्युज नेपाल

लागु औषध मुद्दामा पत्रकारलाई प्रहरिले नै फसाएको महासंघ रौतहटको आरोप

Image
   जनता समाचार । रौतहट लागू औषध नाइट्रोभेट सहित पक्राउ परेका रौतहटका सन्चारकर्मी मह्मद मोज्बुल्लाहलाई तत्काल रिहा गर्न नेपाल पत्रकार महासंघ रौतहट शाखाले माग राखेको छ। पत्रकार मोज्बुल्लाहलाई प्रहरिकै उच्च अधिकारीको निर्देशनमा सादा पोशाकका घुमुवाहरुले फसाएको भन्दै नेपाल पत्रकार महासंघ रौतहट शाखाले तत्काल रिहाई तथा दोषी लाई कार्यवाहिको माग गरेको हो। केही घुमुवा तथा अन्य ब्यक्तिहरुले पत्रकार मोज्बुल्लाहले प्रयोग गर्ने मोटरसाइकलमा लागू औषध नाइट्रोभेट राख्दै गरेको सिसिटिभी फुटेज सार्वजनिक भएपछी पत्रकार मोजबुल्लाह निर्दोस प्रमाणित भएको महासंघले दावी गरेको छ।सार्वजनिक भएको भिडियो फुटेजमा गौरमा रहेको गृन सिग्नल होटेल अगाडि सडक पेटिमा खडा गरि राखिएको मोटरसाइकलमा केही ब्यक्तीहरुले सामान झुन्डाइरहेको देखिएको छ।भिडियो फुटेजमा  सादा पोशाकका केही घुमुवाहरु उदय यादव र मनोज साहको पहिचान खुलेको हो ।उनिहरु सङ्गै रहेका अन्य घुमुवा प्रहरिहरुको पहिचान हुन भने सकेको छैन। बेलुका करिब ७ बजेको समयमा ती सादा पोशाकका घुमुवा प्रहरिहरु सङ्गै दुई जना युवकहरु नाटकिय शैलिमा केही सामानहरु पत्रकार मोजबुल्ल...

चितुवाको आक्रमणबाट राजापुरमा १ बालिकाको मृत्यु

Image
जनता समाचार चितुवाको आक्रमणबाट बर्दियामा एक बालिकाको मृत्यु भएको छ । राजापुर नगरपालिका १० भगतपुरकी ३ वर्षिया बालिका कमला जैसीको मृत्यु भएको हो । जिल्ला प्रहरी कार्यालय बर्दियाका प्रमुख प्रहरी उपरीक्षक ईश्वर कार्कीले घर नजिकै मकैबारीको छेउमा खेलिरहेको अवस्थामा चितुवाले आक्रमण गरी बालिकालाई घाइते बनाएको बताउनुभयो । घाइते बालिकालाई उपचार गर्न लैजाने क्रममा बाटोमै मृत्यु भएको जिल्ला प्रहरी कार्यालय बर्दियाले जनाएको छ ।

मनै रुवाउने आमाको कथा दूध चुसाउँदै आमाले संसार छोडिन्

Image
जनता समाचार रुकुम-पश्चिमको आठबिसकोट नगरपालिका- ९ बटला (सुन्दरपानी) की २८ वर्षीया धर्माकुमारी बटालाले ३२ महिनाकाे छोरालाई बसको सिटमा दूध चुसाउदै मृत्युवरण गरेको एउटा हृदय विदारक तस्बिर सामाजिक सञ्जालमा भाइरल भइरहेको छ ।  बाँकेको नेपालगञ्जमा रहेका श्रीमान दलबहादुर बटालासँग सल्लाह गरि उपचारका लागि धर्माकुमारी नाबालक छोराको साथ बसमा यात्रा गरिरहेकि थिइन । उनी मुटुको बिरामी समेत थिइन । स्थानिय मेडिकलमा सामान्य उपचार गराउँदा सञ्चो नमानेपछि श्रीमानको सल्लाहले नेपालगन्ज जाँदै गर्दा उनको बाटोमा दुःखद निधन भएको हाे । श्रीमती धर्माकुमारी बसमा चढेपछि दलबहादुर निरन्तर फाेनमा सम्पर्क गरिरहेका थिए। बाटो बाटोमा निरन्तर फाेन गरेको र आफू सामान्य अवस्थामा छु भनेर जानकारी गराएकि श्रीमतीकाे अचानक मृत्यु भएको खबरले श्रीमान दल बहादुर यतिबेला निकै विछिप्त छन् ।बर्दियाको हर्ले लेक नजिकै यात्रामै धर्मकुमारी चिरनिद्रामा परेर संसार छाडेको यात्रुहरु बताउँछन । धर्माकुमारीकाे माइत डडेलधुरा हाे ।उनको मृत्युको खबरले रुकुम पश्चिम आठविसकाेट नगरपालिका र उनको माइत यतिबेला शाेकमग्न अवस्थामा छ ।

राजापुरमा मासु काट्ने ठाउँ व्यवस्थित नहुँदा दुर्गन्ध फैलिंदै

Image
शक्ति परियार । राजापुर बढ्दो विकास सँगै हुलाकी राजमार्गमा जमीन खरीद गर्ने तथा घर बनाउनेहरुको संख्या बढ्दै गएको छ। तर वातावरण स्वच्छता नभएपछि स्थानीयलाई असहज समेत हुने गरेको छ । बजारको फोहोर मैलाले हुने दुर्गन्ध त छँदै छ त्यसैमा मासु काट्ने स्थान व्यवस्थित नभएपछि हुने दुर्गन्ध ले वातावरण नै असन्तुलित बनाई दिन्छ । यस्तै बर्दियाको राजापुरमा मासु काट्ने ठाउँ व्यवस्थित नहुँदा दुर्गन्ध फैलिंदै गएको छ । पछिल्लो समयमा राजापुर बजार देखि ५ सय मिटर पश्चिम कर्णाली नदी किनारामा व्यापारीहरूले मासु काट्दै आएका छन्। वर्षातको समय भएका कारण मासु काट्ने स्थानमा पानी भरिएपछि दुर्गन्ध फैलिएको हो । राजापुरमा कुखुरा ,खसी, बोका लगायतको मासु सजिलै काट्न मिल्ने भए पनि राँगाको मासु काट्ने निश्चित स्थान नभएका कारण दुर्गन्ध फैलिएको हो। मासु काट्ने क्षेत्र निश्चित नभएपछि व्यापारीहरुलाई मर्का त छ नै आवत जावत गर्ने स्थानीयलाई समेत हिँडडुल गर्न असहज भएको छ ।  राजापुर बजार देखि नजिकै रहेको सत्ती घाट पुल सम्म पुग्न श्वास फेर्न समेत गारो हुने गरेको स्थानीयको गुनासाे रहेको छ। राजापुर स्थित रहेको पवित्र धार्मिक स्थल शि...

राजापुरमा ट्राफिक नियम सम्बन्धी ३ दिने कार्यक्रम संचालन

Image
शक्ति परियार। राजापुर बर्दियाको राजापुरमा ट्राफिक नियम सम्बन्धि ३ दिने सचेतना मूलक कार्यक्रम सुरु भएको छ । स्थानीय स्काउट समितिका संयोजक भाग रथ चौलागाईं को अध्यक्षतामा राजापुरले सुरु गरेको कार्यक्रमलाई राजापुर नगरपालिका वडा नं. ४ का वडाध्यक्ष रमन कुमार रेग्मीले सम्बोधन गर्दै सडक दुर्घटनाको मुख्य कारण ट्राफिक नियमको अज्ञानता भएको भन्नु भयो । यो कार्यक्रमले राजापुरको बाटो भएर पुर्वपश्चिम जाने सवारी साधन र यात्रुले ट्राफिक नियम सम्बन्धी ज्ञान पाउने उहाँको भनाई थियो । त्यस्तै अस्थायी ट्राफिक पोष्ट राजापुरका ट्राफिक प्रहरी सुनिल चौधरीले ट्राफिक नियम र सवारी साधन चलाउदा ध्यान दिनु पर्ने कुराको बारेमा जानकारी दिनु भयो । कार्यक्रममा बर्दिया उद्योग बाणिज्य संघका अध्यक्ष कृष्ण कुमार रेग्मी, इलाका प्रहरी कार्यालयका प्रहरी नायब निरीक्षक जयप्रकाश भट्ट, स्काउट सदस्य विश्वास भट्ट, वीर बहादुर थारु, शिक्षक पद्म ऋषि चौलागाई, समाजसेवी, समाजसेवी बुद्धिजीवि, पत्रकार लगायतको उपस्थिति रहेको थियो । कार्यक्रममा ट्राफिक नियम सम्बन्धि सचेतना मूलक नारा लेखिएका पर्चा पम्पलेट वितरण गरिनुका साथै छाडा गाई गोरुका सिङम...

कांग्रेसको भ्रामक प्रचार विरुद्ध सर्वत्र विरोध

Image
  रबिन्द्र यादव / नवलपरासी नेपाली कांग्रेस नवलपरासी पश्चिमले जिल्लाको संघीय क्षेत्र नं २ का पार्टीका सभापति नरेन्द्र कुमार गुप्ता र प्रदेश क्षेत्र न २ ख – का सभापति दिनेश मणी पटेलले संयुक्त रुपमा जारी गरेको बिज्ञप्ती प्रति पार्टी भित्र सर्वत्र विरोध जनाएको छ  ।  सभापति गुप्ता र पटेलद्धारा साउन १६ गते  संयुक्त रुपमा बिज्ञप्ती जारी गर्दै  जिल्लाको रामग्राम नगरपालीका ३ , १५ र १६   तथा पाल्हीन्दन गाउंपालिकाको ४ वडामा पार्टीको क्रियाशिल सदस्यता वारे विवाद रहेको भन्ने भ्रामक प्रचार गरेकोले सो प्रति सर्वत्र विरोेध जनाएको हो  ।  नेपाली कांग्रेस जिल्ला कार्य समिती  नवलपरासी ( बर्दघाट –सुस्ता पश्चिम ), नेपाली कांग्रेस संघीय क्षेत्रिय कार्य समिती २ र  नेपाली कांग्रेस रामग्राम नगर कार्य समिती तथा पाल्हीनन्दन गाउं कार्य समितिले  संयुक्त रुपमा जारी गरको फरक फरक  बिज्ञप्तीमा  सभापति गुप्ता र पटेलले  जारी गरेको बिज्ञप्ती पुर्णभ्रामक , सामाधान उन्मुख रहेको क्रियाशिल सदस्यता  वितरण कार्यलाई प्रभावीत गर्ने ,जिल्लालाई  विव...

जनकेन्द्रित विकासको अवधारणाले योजना निर्माणमा सहयोग पुग्ने

Image
जनता समाचार । राजापुर जनकेन्द्रित विकासको अवधारणाले योजना निर्माणमा सहयोग पुग्ने एक कार्यक्रमका सहभागीले बताएका छन् ।सहकर्मी समाज सुर्खेत र नेपाल सामुदायिक सशक्तिकरणका लागि स्थानीय सुशासन सवलीकरण  परियोजनाको सहकार्यमा राजापुर नगरपालिकाले आयोजना गरेको एक गोष्ठीका सहभागीले यस्तो बताएका हुन् ।  स्थानीय स्तरबाट हुने विकासलाई जनकेन्द्रित गरी जिविको पार्जन र आत्म निर्भरमा अगाडि बढाउने गोष्ठीको उद्देश्य थियो । राजापुर नगरपालिका भित्र गरिने विकास निर्माणका काममा स्थानीयको आवश्यकतालाई समेट्दै विकासका योजना बनाएमा सबैको अपनत्व हुने सहकर्मी समाजका कार्यकारी निर्देशक अमर बहादुर ऐरले बताउनु भयो ।

राजापुरमा शिक्षकहरुले राजनीतिक दबाव सहनु परेको गुनासाे

Image
शक्ति परियार।राजापुर शिक्षक छनौट तथा सरुवा जस्ता कार्यका लागि राजनीतिक दबाब सहनु परेको एक कार्यक्रममा सहभागी शिक्षकहरुले गुनासाे गरेका छन् ।शनिबार बर्दियाको राजापुर नगरपालिका वडा नं २ नयाँगाउँमा आयोजना गरिएको राजापुर नगरपालिका र गेरूवा गाउँपालिकाका एकिकृत अखिल नेपाल शिक्षक संगठनका संयुक्त अन्तरक्रिया कार्यक्रमका सहभागीहरुले आफ्ना मागहरु राखेका हुन्।  आयोगबाट नाम निकाल्नु भन्दा सरुवा भै जानु आउनु परेमा राजनीतिक हस्तक्षेपका कारण पार्टीको टिकट लिनु पर्ने वाध्यता रहेको सहभागीले बताए। शिक्षकहरुले निजामती कर्मचारी सरह सरकारबाट पाउनु पर्ने तलब भत्ता आफूहरुले नपाएको बताए । चुनावी समयमा शिक्षकहरूलाई प्रयोग गरी विभिन्न आश्वासन दिने नेताहरुले आफू जितेर गई सक्दा सबैलाई भुल्ने गरेको दुखेसो पोखे । एकिकृत अखिल नेपाल शिक्षक संगठन राजापुर का अध्यक्ष दिनेश दहितको सभापतित्वमा भएको कार्यक्रममा संविधान सभा सदस्य मान बहादुर थारु प्रमुख अतिथि रहनु भएको थियो। त्यस्तै विशिष्ट अतिथिहरुमा नेकपा माओवादी केन्द्र प्रदेश सदस्य विश्वराज थारु,प्रदेश सभा सदस्य दिपेश थारु,जिल्ला सचिवालय सदस्य तथा राजापुर नगरपालिका प...